Remedies for getting rid of mice from the house: आपण आपले घर स्वच्छ ठेवण्यासाठी सतत स्वच्छता करतो. इतकेच नव्हे तर घरात कोणतेही कीटक शिरले तर लोक त्यांना हाकलण्यासाठी विविध पद्धती अवलंबतात. परंतु घरात घुसणाऱ्या उंदरांचा लोकांना सर्वात जास्त त्रास होत असल्याचे दिसून येते. याचे सर्वात मोठे कारण म्हणजे उंदीर घरातील वस्तू खाण्यापेक्षा जास्त नुकसान करतात. जसे की, कागद कातरने, घरातील इतर वस्तू खराब करणे, कपडे कातरने इत्यादी होय.
घरात उंदीर झाल्यास काय करावे-
अशा परिस्थितीत, जर तुमच्या घरातही उंदीर असतील आणि तुम्हाला ते न मारता घराबाहेर काढायचे असेल, तर आज आम्ही तुम्हाला काही पद्धतींबद्दल सांगणार आहोत. कदाचित या पद्धती तुमच्यासाठी उपयोगी पडतील. चला तर मग जाणून घेऊया उंदीर न मारता घरातून बाहेर काढण्याचे कोणते सोपे मार्ग आहेत.
उंदीर बाहेर घालवण्याचे घरगुती उपाय-
१) जर तुम्हालाही तुमच्या घरात उंदरांचा त्रास होत असेल तर तुम्ही त्यांना घराबाहेर काढू शकता. यासाठी तुम्हाला पुदिना लागेल. तुम्हाला पुदिना घ्यावा लागेल आणि तो उंदीर दिसणाऱ्या ठिकाणी ठेवावा लागेल किंवा तुम्ही घराच्या कोणत्याही कोपऱ्यात पुदिना ठेवू शकता. उंदरांना पुदिन्याचा वास आवडत नाही आणि तो वास आल्यानंतर ते घराबाहेर पळून जाऊ शकतात. हा उपाय अगदी सोपा आहे.
२) जर तुमच्या घरात जास्त उंदीर असतील, तर तुम्ही त्याला घाबरवण्यासाठी सापळा लावू शकता. पण इथे तुम्हाला एक गोष्ट करावी लागेल. तुम्हाला फक्त पिंजऱ्यात ठेवलेल्या भाकरीच्या तुकड्यावर थोडे दही लावायचे आहे. दह्यामुळे उंदीर भाकरीकडे आकर्षित होतात आणि नंतर पिंजऱ्यात अडकतात. तुम्ही ही पद्धत सहज अवलंबू शकता.
३) उंदीर घराबाहेर घालवण्यासाठी तुरटी तुम्हाला मदत करू शकते. यामध्ये, सर्वप्रथम तुम्हाला तुरटी घ्यावी लागेल आणि ती बारीक करावी लागेल म्हणजेच त्याची पावडर तयार करावी लागेल. यानंतर, ही पावडर एका बाटलीत भरून त्याचे लिक्विड बनवा आणि नंतर हे लिक्विड घराच्या कोपऱ्यात आणि उंदीर दिसणाऱ्या ठिकाणी फवारणी करा. यामुळे उंदीर घरातून पळून जातील.
४) उंदीर घराबाहेर घालवण्यासाठी कापूर तुम्हाला मदत करू शकतो. तुम्हाला फक्त कापूर घ्यायचा आहे. आणि त्याचे काही तुकडे करायचे आहेत. यानंतर, हे कापूरचे तुकडे घराच्या कोपऱ्यात ठेवा. कापूरचा वास घेतल्याने उंदीर घरातून पळून जाऊ शकतो कारण त्याला हा वास आवडत नाही.
