Call of Duty : अ‍ॅक्टिव्हिजन (Activision) ने जाहीर केले आहे, की ते आपला लोकप्रिय बॅटल रॉयल गेम Call of Duty: Warzone Mobile चा अपडेट सपोर्ट बंद करणार आहेत. हा निर्णय गेमच्या लाँचनंतर फक्त एक वर्षाने घेतला गेला आहे. सोमवारपासून हा गेम नवीन युझर्ससाठी अ‍ॅप स्टोअर आणि गूगल प्ले-स्टोरवर उपलब्ध असणार नाही. Activision ने आपल्या अधिकृत X अकाउंटवर माहिती दिली आहे. Warzone Mobile ला PC आणि कंसोल व्हर्जनसारखी यशस्वीता मिळू शकली नाही.
Statista च्या रिपोर्टनुसार,
- एप्रिल २०२४ मध्ये या गेमची कमाई सुमारे ४ मिलियन डॉलर होती.
- नोव्हेंबर २०२४ ते फेब्रुवारी २०२५ दरम्यान ही रक्कम घटून ५००,००० डॉलर झाली.
- त्याच वेळी, Call of Duty: Mobile प्रत्येक महिन्याला २० मिलियन डॉलरपेक्षा जास्त कमावत आहे.
- याच कारणामुळे Activision आता Warzone Mobile चे देखभाल करणे आर्थिकदृष्ट्या व्यवहार्य नाही असे मानते.
सध्याच्या युजर्सचे काय होणार?
ज्यांनी आधीच गेम डाउनलोड केला आहे, ते ते अजूनही खेळू शकतात. नवीन सीझनल अपडेट्स आणि कंटेंट आता मिळणार नाही. इन-गेम खरेदी (पर्चेज) बंद केली जातील. जे CoD पॉइंट्स किंवा खरेदी केलेले कंटेंट आहे, त्याचा रिफंड मिळणार नाही. क्रॉस-प्लेटफॉर्म कंटेंट आणि प्रगती (प्रोग्रेशन) पूर्वाप्रमाणे कायम राहील.
गेमर्सना धक्का, बंद होतोय ‘हा’ लोकप्रिय मोबाइल गेम, कोटींमध्ये आहेत युजर्स
CoD: Mobile हा पर्याय राहील
Activision ने Warzone Mobile गेमर्सना सांगितले आहे, की ते आता Call of Duty: Mobile वर स्विच करा. CoD Mobile हा एक फ्री गेम आहे, जो अजूनही सक्रिय आहे. Warzone Mobile खेळाडूंना त्यांच्या CoD खात्याने लॉगिन केल्यास डबल CoD पॉइंट्स मिळतील (ही ऑफर १५ ऑगस्टपर्यंत वैध आहे). गेममध्ये Battle Royale व्यतिरिक्त Team Deathmatch सारखे फास्ट मोड्स देखील उपलब्ध आहेत.
