भारत आणि इंग्लंड यांच्यातील पाच सामन्यांच्या टेस्ट मालिकेतील तिसरा सामना गुरुवारपासून सुरू झाला आहे. या सामन्याचा एक व्हिडिओ सोशल मीडियावर व्हायरल होत आहे, ज्यामध्ये भारतीय वेगवान गोलंदाज मोहम्मद सिराज ‘बॅजबॉल’चा खिल्ली उडवताना दिसत आहेत. तो इंग्लंडचा फलंदाज जो रूटला स्लेज करताना होता. हे घडले तेव्हा रूट आणि ओली पोप अत्यंत संथ स्ट्राइक रेटने फलंदाजी करत होते.
बॅजबॉल म्हणजे काय?
‘बॅजबॉल’ या टर्मची सुरुवात तेव्हा झाली, जेव्हा न्यूझीलंडचा माजी खेळाडू ब्रेंडन मॅक्कुलम इंग्लंड संघाचा मुख्य प्रशिक्षक बनला. बॅजबॉल ही इंग्लंड टेस्ट संघाच्या नवीन फलंदाजी शैलीसाठी वापरण्यात येणारी संज्ञा आहे, ज्यामध्ये खेळाडू जलद आणि आक्रमक पद्धतीने खेळतात.
सिराजने बॅजबॉलची खिल्ली उडवली
बॅजबॉल नेहमीच चर्चेचा विषय राहिला आहे. इंग्लंडचे फलंदाज कसोटी सामन्यातही आक्रमक फलंदाजी करून चाहत्यांचे खूप मनोरंजन करतात. पण भारताविरुद्धच्या तिसऱ्या कसोटी सामन्यात असे दिसून आले नाही. इंग्लंडने ४४ धावांवर दोन विकेट गमावल्या. त्यानंतर जो रूट आणि ऑली पोप क्रीजवर उपस्थित होते.
४९ चेंडूत २५ धावा काढून रूट यावेळी खेळत होता. त्याच वेळी पोपने ५३ चेंडूत फक्त १६ धावा काढल्या होत्या. यावेळी सिराज गोलंदाजी करत होता. रूटला एक चेंडू टाकला, ज्यावर रूट कट मारण्याच्या प्रयत्नात बीट झाला. त्यानंतर सिराज रूटला म्हणाला, “बॅज, बॅज, बॅजबॉल, आता खेळ बॅजबॉल. मला पाहायचं आहे.” सिराजचे हे विधान स्टंप माइकमध्ये कैद झाले आणि सोशल मीडियावर व्हायरल होऊ लागले. सिराजने स्लेजिंग करून रूटला त्रास देण्याचा प्रयत्न केला. पण रूटने कोणतीही प्रतिक्रिया दिली नाही.
Siraj on the wind up 😅 pic.twitter.com/v2ea76PFIp
— Sky Sports Cricket (@SkyCricket) July 10, 2025
रूटने भारताविरुद्ध ३००० धावा पूर्ण केल्या
भारताविरुद्ध ४५ धावा काढताच रूटने इतिहास रचला. कसोटी क्रिकेटमध्ये भारताविरुद्ध ३००० धावा काढणारा तो पहिला खेळाडू ठरला आहे. रूटने भारताविरुद्ध १३ अर्धशतके आणि १० शतके झळकावली आहेत.
