पंतप्रधान नरेंद्र मोदी 2 ते 9 जुलै दरम्यान घाना, त्रिनिदाद अँड टोबैगो, अर्जेंटिना, ब्राझील आणि नामीबिया या पाच देशांच्या दौऱ्यावर गेले होते आणि आता ते भारतात परतले आहेत. या दौऱ्यात पंतप्रधान मोदी प्रत्येक देशाच्या राष्ट्राध्यक्षांसाठी खास भेटवस्तू घेऊन गेले होते. या भेटवस्तू भारतातील वेगवेगळ्या राज्यांमधून निवडण्यात आल्या होत्या, ज्यामध्ये त्या राज्यांची संस्कृती आणि ऐतिहासिक वारसा झळकत होता. मात्र, ही पहिलीच वेळ नाही आहे की मोदी विदेश दौऱ्यावर अशा खास भेटवस्तू घेऊन गेले. यापूर्वीही त्यांनी अमेरिकेच्या राष्ट्राध्यक्ष आणि त्यांच्या पत्नीसाठी खास गिफ्ट्स दिले आहेत.
पंतप्रधान मोदी नेहमी गिफ्ट का नेतात?
खरं तर, पंतप्रधान जेव्हा विदेश दौऱ्यावर जातात, तेव्हा ते सोबत भेटवस्तू घेऊन जातात. हे एक प्रकारचे ‘गिफ्ट डिप्लोमसी’चे उदाहरण आहे, ज्याद्वारे दोन देशांतील द्विपक्षीय संबंध बळकट केले जातात. अशा वेळी प्रश्न उपस्थित होतो की पंतप्रधान मोदी जे महागडे गिफ्ट नेतात, त्यासाठी पैसे कोण देतो? हे गिफ्ट ते स्वतःच्या पगारातून घेतात का?
या वेळी कोणत्या भेटवस्तू नेल्या गेल्या?
या दौऱ्यात पंतप्रधान मोदींनी विविध देशांच्या राष्ट्राध्यक्षांसाठी खास भेटवस्तू दिल्या:
घानाचे राष्ट्राध्यक्ष यांना चांदीची जडाई असलेला फूलदान, जो कर्नाटकच्या बीदर येथील पारंपरिक कलेचे प्रतिनिधित्व करतो.
राष्ट्राध्यक्षांच्या पत्नीला चांदीच्या तारांनी सजलेला पर्स भेट दिला.
त्रिनिदाद अँड टोबैगोच्या पंतप्रधानांना चांदीची राम मंदिराची प्रतिकृती भेट दिली.
अर्जेंटिनाच्या राष्ट्राध्यक्षांना चांदीचा सिंह भेट दिला.
ब्राझीलच्या राष्ट्राध्यक्षांना महाराष्ट्राची पारंपरिक वारली पेंटिंग दिली.
पंतप्रधान मोदी स्वतः पैसे देतात का?
तर उत्तर आहे नाही. पंतप्रधान नरेंद्र मोदी परदेशी राष्ट्रप्रमुखांना जे गिफ्ट देतात, त्याचा खर्च त्याच्या वैयक्तिक पगारातून होत नाही. हे गिफ्ट्स देण्यामागे मुख्य उद्देश द्विपक्षीय संबंध मजबूत करणे हा असतो. कोणत्या राष्ट्रप्रमुखाला कोणती भेट द्यायची आणि ती कुठून आणायची, याचे नियोजन परराष्ट्र मंत्रालयातील प्रोटोकॉल विभाग करते. एका आरटीआयमध्ये सांगण्यात आले आहे की अशा भेटवस्तूंसाठीचा खर्च सरकारी बजेटमधून केला जातो
