अमेरिकेचे अध्यक्ष डोनाल्ड ट्रम्प सतत अ‍ॅपल कंपनीवर अमेरिकेतच आयफोन तयार करण्यासाठी दबाव आणत आहेत. तसे पाहिले तर हा दबाव नाही, तर एक प्रकारची धमकीच आहे. अलीकडेच ट्रम्प यांनी अ‍ॅपलचे सीईओ टिम कुक यांना स्पष्टपणे सांगितले की, त्यांनी भारत आणि चीनमध्ये नव्हे तर अमेरिकेत विक्रीसाठी असलेले सर्व आयफोन तयार करावेत, अन्यथा २५ टक्के आयात शुल्क भरण्याची तयारी ठेवावी लागेल.
खरं तर ट्रम्प केवळ हवेत बोलत आहेत, कारण प्रत्यक्षात कोणत्याही कंपनीसाठी अचानक उत्पादन युनिट सुरू करणे सोपे नसतें. अशा स्थितीत आपण एक गणित समजून घेऊया, की जर आयफोनचे उत्पादन अमेरिकेत केले गेले, तर त्याची संभाव्य किंमत किती असू शकते?
अमेरिकेत आयफोन बनवण्यासाठी किती खर्च येईल?
जर अॅपलने अमेरिकेत आयफोन बनवले तर त्यांची किंमत लक्षणीयरीत्या वाढू शकते. अमेरिकेत मजुरी, उत्पादन खर्च, कर आणि पर्यावरणीय नियमांमुळे उत्पादन खूप महाग आहे. अंदाजानुसार, अमेरिकेत बनवलेल्या आयफोनची किंमत २०% ते ४०% जास्त असू शकते. भारतात १,३९,९०० रुपये किमतीचा आयफोन १५ प्रो अमेरिकेत बनवल्यास त्याची किंमत १,७०,००० ते २,००,००० रुपयांपर्यंत पोहोचू शकते.
मेड इन इंडिया iPhone: खर्च आणि किंमत
भारतामध्ये अॅपलने Foxconn, Pegatron आणि Wistron यांसारख्या कंपन्यांच्या सहकार्याने iPhone असेंब्ली सुरू केली आहे. मेड इन इंडिया iPhone ची किंमत तुलनात्मकदृष्ट्या खूपच कमी आहे कारण भारतात मजुरी स्वस्त आहे आणि सरकारने उत्पादनासाठी प्रोत्साहन योजना लागू केली आहे. त्यामुळे अ‍ॅपलला iPhone ची उत्पादन खर्च कमी करण्यात मदत झाली आहे. तथापि, ग्राहकाला जी किंमत मोजावी लागते ती फारशी कमी नसते, कारण अ‍ॅपल आपला नफा आणि कर या दोन्ही गोष्टींचा विचार करत असतो.
अमेरिकन iPhone महाग का असतील?
अमेरिकेत वस्तू बनवणे किंवा सेवा देण्याशी संबंधित खर्च अनेक पटींनी जास्त आहे. वेतन तासाभराच्या आधारावर दिले जाते, तर भारतात वेतन स्वस्त आणि मासिक असते. याशिवाय, अमेरिकेतील टेक्साससारख्या राज्यात कारखाना चालवणे ऊर्जा, कच्चा माल आणि पुरवठा साखळीच्या बाबतीतही महाग आहे. तर भारतात, सरकारने पीएलआय योजना (प्रॉडक्शन लिंक्ड इन्सेंटिव्ह) लागू केली आहे जी उत्पादन कंपन्यांना कर सवलत देते.
