दक्षिण आफ्रिकेने वर्ल्ड टेस्ट चॅम्पियनशिप फायनल जिंकून आयसीसी जेतेपदांचा २७ वर्षांचा दुष्काळ संपवला. हे दक्षिण आफ्रिकेचे दुसरे आयसीसी जेतेपद आहे. या संघाने यापूर्वी १९९८ मध्ये चॅम्पियन्स ट्रॉफीच्या स्वरूपात पहिले आयसीसी जेतेपद जिंकले होते. ऑस्ट्रेलियाने WTC फायनलमध्ये दक्षिण आफ्रिकेसमोर विजयासाठी २८२ धावांचे कठीण लक्ष्य ठेवले होते. दक्षिण आफ्रिकेने चौथ्या दिवशी ५ विकेट गमावून हे लक्ष्य गाठले. दक्षिण आफ्रिकेच्या या ऐतिहासिक विजयाचा नायक सलामीवीर एडेन मार्क्रम होता. १३६ धावा करून मार्कराम बाद झाला. कर्णधार टेम्बा बावुमानेही ६६ धावांची खेळी केली.
केशव महाराज भावूक झाला
दक्षिण आफ्रिका चॅम्पियन होताच आफ्रिकन ड्रेसिंग रुममध्ये आनंदाची लाट पसरली. ड्रेसिंग रूममध्ये बसलेल्या सर्व खेळाडूंनी एकमेकांना मिठी मारली. फिरकी गोलंदाज केशव महाराज आपल्या संघाच्या या ऐतिहासिक विजयावर खूप भावनिक झाला आणि त्याला आपले अश्रू आवरता आले नाहीत. माजी कर्णधार ग्रॅमी स्मिथशी बोलताना केशव महाराज रडताना दिसला.
दक्षिण आफ्रिकेच्या चॅम्पियन बनल्यानंतर केशव महाराज म्हणाला की, संपूर्ण संघासाठी हा एक अतिशय खास क्षण आहे, ट्रॉफी उचलणे आणि नंतर घरी परतणे हा सन्मान आहे.
View this post on Instagram
चाहत्यांचे आभार मानले
चाहत्यांचे आभार मानताना तो म्हणाला, आम्हाला पाठिंबा देणाऱ्या सर्व चाहत्यांचे आभार, प्रतिकूल परिस्थितीतही आम्ही खंबीरपणे उभे राहिलो. आमच्या आधी आलेल्यांचा आम्ही सन्मान करतो. आशा आहे की हे भविष्यात मोठ्या गोष्टींसाठी एक मोठे पाऊल असेल.
WTC फायनलमध्ये नवा इतिहास घडला
२०२५ च्या वर्ल्ड टेस्ट चॅम्पियनशिप फायनलमध्ये दक्षिण आफ्रिकेने २८२ धावांचे लक्ष्य गाठले. आयसीसी फायनलमध्ये यशस्वीरित्या पाठलाग केलेले हे सर्वोच्च लक्ष्य आहे. यापूर्वी हा विक्रम टीम इंडियाच्या नावावर होता. २०११ च्या विश्वचषकात टीम इंडियाने श्रीलंकेविरुद्ध २७५ धावांचे लक्ष्य गाठले होते.
