अहमदाबाद: आयपीएल 2025 चा हंगाम आता अंतिम टप्प्यात येऊन पोहोचला आहे. आज 51 वा सामना गुजरात टायटन्स आणि सनरायजर्स हैदराबाद या दोन संघांमध्ये खेळला जात आहे. अहमदाबादच्या नरेंद्र मोदी स्टेडियममध्ये आज संध्याकाळी 7.30 वाजता हा सामना सुरू होईल. गुजरात टायटन्स आपली विजयाची मालिका कायम राखत प्ले ऑफ्सचं तिकिट पक्कं करणार का हे पाहणं महत्वाचं असेल, तर दुसरीकडे हैदराबादच या आयपीएल सिझनमधील आव्हान जवळपास संपुष्टात आलं आहे.
गुजरात वि. हैदराबाद कोणता संघ जिंकेल?
आयपीएलच्या चालू सीझनमध्ये गुजरात टायटन्सने जोरदार कामगिरी केली आहे. गुजरातने आपले सातत्य राखणे आवश्यक आहे. या हंगामात आजवर खेळलेल्या 9 सामन्यांपैकी 6 सामन्यांमध्ये संघाने विजय संपादीत केला आहे. संघ 12 गुणांसह गुणतालिकेत सध्या चौथ्या स्थानावर आहे. तसेच नेट रन रेट 0.748 असल्याने याचा फायदा संघाला आगामी काळात होऊ शकतो.
सनरायजर्स हैदराबादसाठी हा सिझन तितकासा चांगला राहिला नाही. तरी संघाने मागील सामन्यात मोठा विजय मिळवला होता. कॅप्टन पॅट कमिन्स संघाचे पुनरागमन घडवून आणण्यात अपयशी ठरला आहे. आयपीएलच्या या चालू हंगामात आजवर 9 सामने खेळले असून पैकी 3 सामन्यांमध्ये विजय मिळवला आहे, 6 गुण असून संघ गुणतालिकेत सध्या 9 व्या स्थानावर आहे. नेट रन रेट वजा असल्याने संघाची प्ले ऑफ्सची दारे आधीच बंद झाली आहेत.
दोन्ही संघाचा या आधीचा इतिहास पाहिला असता लक्षात येते की, शेवटच्या ५ सामन्यांपैकी गुजरातने 3 तर सनरायजर्स हैदराबादने अवघ्या एका सामन्यात विजय मिळवला आहे. त्यामुळे दोन्ही संघांचा इतिहास अटीतटीचा दिसत नाही. असे असले तरी आजच्या सामन्यात गुजरात टायटन्स संघाचं पारडं जड मानलं जात आहे.
दोन्ही संघांचे प्लेयिंग इलेव्हन
गुजरात टायटन्स
शुभमन गिल (कॅप्टन), जोस बटलर (विकेटकीपर), बी साई सुदर्शन, शाहरुख खान, शेरफेन रदरफोर्ड, राहुल तेवतिया, राशिद खान, कैगिसो रबाडा, रविश्रीनिवासन साई किशोर, मोहम्मद सिराज, प्रसिद्ध कृष्णा, ईशांत शर्मा, वाशिंगटन सुंदर, ग्लेन फिलिप्स, अनुज रावत, महिपाल लोमरोर, अरशद खान, जयंत यादव, निशांत सिंधु, कुलवंत खेजरोलिया
सनरायजर्स हैदराबाद
अभिषेक शर्मा, ट्रैविस हेड, इशान किशन, नितीश रेड्डी, हेनरिक क्लासेन (विकेटकीपर), अनिकेत वर्मा, अभिनव मनोहर, पैट कमिंस (कॅप्टन), हर्षल पटेल, मोहम्मद शमी, जीशान अंसारी
