रिलायन्स जिओ ही देशातील क्रमांक एकची टेलिकॉम कंपनी आहे. जिओकडे आपल्या कोट्यवधी ग्राहकांसाठी अनेक उत्तम रिचार्ज प्लॅन्स उपलब्ध आहेत. आपल्या युजर्सच्या सोयीसाठी जिओ वेगवेगळ्या प्रकारचे स्वस्त रिचार्ज प्लॅन्स ऑफर करते. जर तुम्ही वारंवार रिचार्ज करण्याच्या झंझटीने त्रस्त असाल, तर जिओने त्यावरही तोडगा काढला आहे. जिओने आता आपल्या पोर्टफोलिओमध्ये लांब वैधतेचे प्लॅन्स मोठ्या प्रमाणावर वाढवले आहेत.
जिओ आपल्या ग्राहकांच्या गरजांचा चांगल्या प्रकारे विचार करते. रिचार्ज दरवाढीनंतर कंपनीने ग्राहकांची वाढलेली चिंता कमी केली आहे. आता जिओकडे असे अनेक प्लॅन्स आहेत, ज्यामध्ये 84 दिवसांची वैधता मिळते. केवळ लांब वैधतेचेच नाही, तर जिओ या प्लॅन्समध्ये अनेक दमदार ऑफर्सही देत आहे.
जिओचा स्वस्त प्लॅन ठरतोय फायदेशीर
जर तुम्हाला वारंवार रिचार्ज करण्यापासून सुटका हवी असेल, तर तुम्ही जिओचा ₹1029 चा रिचार्ज प्लॅन घेऊ शकता. या प्रीपेड प्लॅनमध्ये जिओ 84 दिवसांसाठी अनलिमिटेड कॉलिंगची सुविधा देते. युजर्सना कोणत्याही नेटवर्कवर अनलिमिटेड कॉल करता येईल. शिवाय, दररोज 100 फ्री एसएमएसचीही सुविधा मिळते.
जर तुम्हाला जास्त इंटरनेटची गरज असेल, तर या ₹1029 च्या प्लॅनमध्ये 168GB डेटा दिला जातो. म्हणजेच, दररोज 2GB डेटा वापरण्याची मुभा आहे. हा प्लॅन ट्रू 5G प्लॅन असल्यामुळे जिओ पात्र ग्राहकांना अनलिमिटेड 5G डेटा देखील मोफत देत आहे.
OTT अ‍ॅप्सचे फ्री सब्स्क्रिप्शन देखील
रिलायन्स जिओ आपल्या युजर्सला या 84 दिवसांच्या प्रीपेड प्लॅनमध्ये काही अतिरिक्त फायदेही देते. या प्लॅनमध्ये तुम्हाला 90 दिवसांसाठी जिओ हॉटस्टारचे फ्री सब्स्क्रिप्शन मिळते. तसेच, 84 दिवसांसाठी Amazon Prime Lite चेही मोफत सब्स्क्रिप्शन मिळते. कंपनी आपल्या युजर्सला 50GB AI क्लाऊड स्टोरेजही मोफत देत आहे.
