लीड्स टेस्टमध्ये तिसऱ्या दिवसअखेर टीम इंडिया 2 गडी गमावून 90 धावांवर पोहोचली असून, एकूण आघाडी 96 धावांची झाली आहे. दिवसअखेर के. एल. राहुल 47 धावांवर नाबाद असून, त्यांच्या साथीला कर्णधार शुभमन गिल खेळत आहेत. साई सुदर्शननेही चांगली फलंदाजी केली, मात्र बेन स्टोक्सच्या ‘माइंड गेम’ला तो बळी पडला.
इंग्लंडने 209/3 वरुन पुढे खेळ सुरू केला
आज दिवसाची सुरुवात इंग्लंडच्या 209/3 धावांपासून झाली होती. काही षटकांनंतर प्रसिद्ध कृष्णाने ओली पोपला बाद करत भारताला पहिले यश मिळवून दिले. पोपने 106 धावा केल्या. कर्णधार बेन स्टोक्स केवळ 20 धावा काढून बाद झाला. मात्र हैरी ब्रूकला दोन वेळा जीवदान मिळालं आणि त्याने त्याचा फायदा घेत 99 धावा केल्या. त्याआधीच प्रसिद्ध कृष्णाने त्याला शार्दूल ठाकूरकडून झेलबाद करून दिलं.
लोअर मिडल ऑर्डरने इंग्लंडला सांभाळलं
एका टप्प्यावर इंग्लंडसाठी 400 धावांपर्यंत पोहोचणं कठीण वाटत होतं. मात्र जैमी स्मिथ (40 धावा) आणि क्रिस वोक्स (38 धावा) यांनी लोअर मिडल ऑर्डरमध्ये महत्वपूर्ण योगदान दिलं, ज्यामुळे इंग्लंड 465 धावांपर्यंत पोहोचू शकला.
भारतासाठी बुमराह ठरला यशस्वी गोलंदाज
भारतासाठी सर्वात यशस्वी गोलंदाज जसप्रीत बुमराह ठरला. त्याने 5 बळी घेतले. प्रसिद्ध कृष्णाने 3 विकेट घेत चांगली साथ दिली, तर मोहम्मद सिराजने सुरुवातीला प्रभाव टाकला नसला तरी अखेरच्या टप्प्यात 2 विकेट घेतल्या. अशा प्रकारे भारताने इंग्लंडला 465 धावांवर रोखत 6 धावांची लहानशी आघाडी मिळवली.
दुसऱ्या डावात भारताची खराब सुरुवात, 96 धावांची आघाडी
दुसऱ्या डावात भारताची सुरुवात खराब झाली. पहिल्या डावात शतक ठोकणारा यशस्वी जायसवाल केवळ 4 धावांवर बाद झाला. त्यानंतर के. एल. राहुल आणि साई सुदर्शन यांच्यात 66 धावांची भागीदारी झाली. मात्र बेन स्टोक्सच्या चतुर फील्डिंगमुळे सुदर्शन जाळ्यात अडकला आणि त्याच फील्डरकडे झेल दिला. त्याने 30 धावा केल्या. सध्या राहुल 47 आणि गिल नाबाद आहेत.
