जर तुम्हालाही अवघ्या 100 रुपयांमध्ये संपूर्ण भारतदर्शन करण्याची संधी मिळाली, तर? जागृती यात्रा नावाची एक खास ट्रेन दरवर्षी देशभरातील तरुणांना भारताची विविध रूपं दाखवत उद्योजकतेचं प्रशिक्षण देण्याचं काम करते. गेल्या 17 वर्षांपासून ही ट्रेन नियमितपणे चालवली जाते, मात्र तरीही अजूनही अनेकांना तिच्याबद्दल फारशी माहिती नाही. दरवेळी सुमारे 500 प्रवाशांना या अद्वितीय अनुभवाचा भाग होता येतो. फक्त 100 रुपयांत भारतदर्शन घडवणाऱ्या या ट्रेनचं नाव आहे जागृती यात्रा. या ट्रेनचा मुख्य उद्देश आहे – “उद्योजकतेच्या माध्यमातून भारताचा सर्वांगीण विकास घडवणे.”
भारत भ्रमंतीचं स्वप्न होईल साकार
भारत असो किंवा परदेश… प्रवास करायला कोणाला नाही आवडत? रोजच्या धावपळीच्या जीवनातून काही दिवस विश्रांती घेऊन नवीन ठिकाणी फिरायला जाणं ही एक वेगळीच अनुभूती असते. मात्र सध्याच्या काळात प्रवासाचा खर्च प्रचंड वाढला आहे, त्यामुळे वेळ आणि पैशाच्या अभावामुळे अनेकांची स्वप्नं अधुरीच राहतात.
2025चे नियोजन कसे?
प्रारंभ: 7 नोव्हेंबर 2025 , समारोप: 22 नोव्हेंबर 2025 असे यंदाचे नियोजन असणार आहे. www.jagritiyatra.com या अधिकृत वेबसाइटवर ऑनलाईन अर्जाची प्रक्रिया सुरू आहे. अर्जात काही विचारमूल्य प्रश्न विचारले जातात – सामाजिक जाणीव, तुमची भूमिका, दृष्टिकोन यावर आधारित. फोन किंवा व्हिडिओ इंटरव्ह्यूही होऊ शकतो. त्यामुळे तुम्हाला अवघ्या भारताची भ्रमंती करायची असेल आणि तीही अवघ्या 100 रूपयांत…तर तुम्ही या प्रक्रियेसाठी नोंदणी करून पुढे जाऊ शकता. आणि जागृती यात्रेचा भाग होऊ शकता.
