उत्तराखंडच्या केदारनाथ धाममध्ये एक मोठी दुर्घटना झाली आहे. रविवारी केदारनाथ मंदिराच्या परिसरात हेलिकॉप्टर कोसळल्याची धक्कादायक घटना समोर आली आहे. या हेलिकॉप्टरमध्ये पायलटसह एकूण 6 भाविक प्रवास करीत होते. या अपघातात 5 भाविकांचा मृत्यू झाल्याची माहिती समोर येत आहे. याबाबतच्या अधिक माहितीची प्रतीक्षा आहे.
#UPDATE | The helicopter that went missing in Gaurikund has crashed. There were six people on board the crashed helicopter. More details awaited: Uttarakhand ADG Law and Order, Dr V Murugeshan https://t.co/vDaSNjtSva
— ANI (@ANI) June 15, 2025
भाविकांच्या मनात भीतीचे वातावरण
दोन दिवसांपूर्वी झालेल्या अहमदाबादमधील विमान अपघातात 275 जणांचा मृत्यू झाला. ही घटना ताजी असताना केदारनाथमधून आणखी एका दुर्घटनेतं वृत्त समोर आलं आहे. यामुळे भाविकांच्या मनामध्ये काहीशे भीतीचे वातावरण निर्माण झाले आहे. हे हेलिकॉप्टर आर्यन कंपनीचा असल्याचं सांगितलं जात आहे. गौरीकुंड आणि त्रिजुगीनारायण जंगलादरम्यान हा अपघात झाला. हेलिकॉप्टर कोसळण्यामागे खराब हवामान असल्याचं सांगितलं जात आहे. या अपघाताबद्दल उत्तराखंड एडीजी लॉ अँड ऑर्डर डॉ. वी मुरुगेशन यांनी यासंदर्भात माहिती दिली. देहरादूनहून केदारनाथच्या दिशेने जाणारं हेलिकॉप्टर गौरीगुंडाजवळ बेपत्ता झाला आहे. याबाबत यंत्रणा कामाला लागली आहे.
दुर्घटनांचे वाढते प्रमाण चिंताजनक
यंदाच्या चारधाम यात्रेदरम्याम विविध धामांवर अनेक वेळा हेलिकॉप्टर कोसळल्याची घटना घडली आहे. याशिवाय अनेकदा आपत्कालिन परिस्थितीत हेलिकॉप्टर लँड करण्यात आलं आहे. नुकतंच रस्त्यावर हेलिकॉप्टरचं क्रॅश लँडिंग करण्यात आलं होतं. चारधाम यात्रेच्या सुरुवातीलाही एकदा हेलिकॉप्टर क्रॅश झालं होतं. यामध्ये अनेकांचा मृत्यू झाला होता.
