राज्यात कोरोना रूग्णांची वाढती संख्या नक्कीच चिंता वाढवणारी आहे, काल दिवसभरात आढळलेल्या 43 नव्या रुग्णांपैकी 35 मुंबईतील, तर 8 पुण्यातील आहेत. मुंबई, ठाणे आणि पुणे या महानगरांमध्ये रुग्णसंख्या लक्षणीय प्रमाणात वाढत असल्याचं आकडेवारीतून स्पष्ट होतं आहे. विशेष म्हणजे, मुंबईतच आतापर्यंत 248 प्रकरणं नोंदली गेली आहेत. ठाण्यातील एका तरुणाच्या मृत्यूनंतर आतापर्यंत कोणताही नवीन मृत्यू झालेला नाही. मात्र एकट्या मे महिन्यात तब्बल 242 रुग्ण आढळले, तर जानेवारीपासून आतापर्यंत सुमारे 300 रुग्णांची नोंद झाली आहे. महाराष्ट्रासोबत कर्नाटकात देखील रूग्णसंख्येत वाढ नोंदवली जात आहे.
मुंबई, पुणेकरांना धास्ती
मुंबई-पुण्यात रुग्णसंख्या चिंताजनक स्वरूप धारण करत आहे. राज्यात आढळलेल्या 43 नव्या रुग्णांपैकी 35 मुंबईतील, तर 8 पुण्यातील आहेत. मुंबई, ठाणे आणि पुणे या महानगरांमध्ये रुग्णसंख्या लक्षणीय प्रमाणात वाढत असल्याचं आकडेवारीतून स्पष्ट होतं आहे. विशेष म्हणजे, मुंबईतच आतापर्यंत 248 प्रकरणं नोंदली गेली असून, ही राज्यातील एकूण रुग्णसंख्येच्या 82.67 टक्के इतकी आहे. ही बाब मुंबई आणि पुणेकरांची चिंता वाढवणारी आहे. अशा परिस्थितीत योग्य ती खबरदारी घेण्याचं आवाहन नागरिकांना आरोग्य विभागाकडून करण्यात येत आहे.
ठाणे, डोंबिवलीत रूग्ण वाढले
राज्यात काय स्थिती?
आरोग्य विभागाच्या माहितीनुसार, राज्यात सध्या 209 सक्रिय कोरोनाबाधित रुग्ण आहेत. यंदा जानेवारीपासून आतापर्यंत 300 रुग्ण आढळले असून, यातील 80 टक्के रुग्ण केवळ मे महिन्यातच आढळले आहेत. राज्यातील नागरिकांना आरोग्य विभागाने योग्य ती काळजी घेण्याच्या सूचना दिल्या आहेत. कोरोनामुळे मृत्यू झाल्याचं एक प्रकरण अलीकडेच ठाण्यामध्ये समोर आले आहे. त्यानंतर मृत्यूचा प्रकार घडलेला नाही, ज्या लोकांची रोग प्रतिकार शक्ती कमी अशाच लोकांना अधिक धोका संभवतो.
