कधी आहे अक्षय्य तृतीया? जाणून घ्या पूजा विधी आणि महत्व

अक्षय्य तृतीया हिंदू धर्मातील सर्वात पवित्र आणि महत्त्वाचे सणांपैकी एक आहे. दरवर्षी वैशाख महिन्यातील शुक्ल पक्षाच्या तृतीयेला अक्षय्य तृतीया साजरी केली जाते. हिंदू धर्मात, हा दिवस कोणत्याही शुभ कार्यासाठी सर्वोत्तम तिथी मानला जातो. अक्षय्य तृतीयेला कोणतेही शुभ कार्य सुरू केल्यानेही शुभ फळे मिळतात. हा दिवस साडेतीन मुहूर्तांपैकी एक मानला जातो. या दिवशी शुभ कामाची सुरुवात, पूजा-आराधना, जप-तप, दान केल्याने अक्षय्य पुण्याची प्राप्ती होते, असे म्हटले जाते. तसेच या दिवशी सोने-चांदी, वाहन, प्रॉपर्टी खरेदी करणेदेखील शुभ मानले जाते. या दिवशी भगवान विष्णू आणि त्यांच्या अवतारांची पूजा विशेषतः फलदायी मानली जाते. तर मग जाणून घेऊया की हा दिवस इतका खास का मानला जातो.