काय आहे कावड यात्रा? कोणी सुरु केली ही परंपरा?, जाणून घ्या इतिहास…

लवकरच श्रावण महिन्याला सुरुवात होणार आहे. श्रावण महिना भगवान शंकराला खूप प्रिय आहे आणि या महिन्यात कावड यात्रा काढली जाते. भोलेनाथाचा आशीर्वाद घेण्यासाठी भाविक श्रावण महिन्यात कावड यात्रा काढतात.  कावड यात्रा कधी सुरू झाली तसेच  तिचे महत्त्व आणि इतिहास काय आहे ते जाणून घेऊया.

कावड यात्रा

श्रावण महिना भगवान शंकराला खूप प्रिय आहे आणि या महिन्यात कावड यात्रा काढली जाते. या यात्रेची सुरुवात रामायणाशी संबंधित आहे. श्रावण महिन्यात भगवान शंकराची पूजा केली जाते आणि या महिन्यात कावड यात्रा काढली जाते. भाविक हरिद्वार, गंगोत्री आणि सुलतानगंज यांसारख्या पवित्र ठिकाणांहून गंगेचे पाणी आणतात आणि ते शंकराच्या पिंडीवर अभिषेक करतात. 

पौराणिक कथा

पौराणिक कथेनुसार, समुद्रमंथनातून विष बाहेर आले, तेव्हा ते जगाला नष्ट करण्याआधी, भगवान शिवाने ते विष प्राशन केले. यामुळे त्यांच्या कंठाचा रंग निळा झाला, आणि त्यांना नीलकंठ म्हणून ओळखले जाऊ लागले. त्या विषामुळे भगवान शिवाला खूप त्रास होत होता, तेव्हा रावणाने भगवान शिवाला विषामुळे होणारा त्रास कमी करण्यासाठी गंगेचे पाणी आणून अभिषेक केला. ज्यामुळे त्यांना शांती मिळाली. त्यानंतर, दरवर्षी श्रावण महिन्यात, भगवान शंकराच्या भक्तांनी गंगेचे पाणी आणून त्यांचा अभिषेक करण्याची प्रथा सुरू झाली. ही यात्रा ‘कावड यात्रा’ म्हणून ओळखली जाते. 

कावड यात्रेचे महत्त्व

श्रावण महिन्यात कावड यात्रा करणे खूप महत्वाचे मानले जाते, कारण या महिन्यात भगवान शंकर पृथ्वीवर वास करतात. कावड यात्रेमध्ये, भक्त गंगा नदी किंवा इतर पवित्र नद्यांमधून पाणी भरून घेतात आणि ते पाणी शंकराच्या पिंडीवर अर्पण करतात. यामुळे, त्यांची सर्व दुःख आणि पापांपासून मुक्ती मिळते. कावड यात्रा भगवान शंकराप्रती भक्तांची भक्ती आणि श्रद्धा व्यक्त करण्याचा एक मार्ग आहे.