महिलांच्या वापरासाठी बनवलेली एक हँडबॅग इतक्या महागडी विकली जाईल, याचा तुम्ही कधी स्वप्नातही विचार केला नसेल. होय, 10 जुलै रोजी लिलावासाठी ठेवलेला पहिला बिर्किन बॅग तब्बल 8.6 मिलियन युरो (सुमारे 86.31 कोटी रुपये) मध्ये विकली गेली. या रकमेत सर्व प्रकारच्या शुल्कांचा समावेश आहे. विशेष म्हणजे बिर्किन बॅगचा लिलाव फक्त 10 मिनिटांतच संपला. या लिलावात एकूण 9 खरेदीदारांनी भाग घेतला होता.
फ्रान्सच्या लक्झरी ब्रँड हर्मेसने तयार केली बिर्किन बॅग
फ्रान्सच्या प्रसिद्ध लक्झरी ब्रँड हर्मेसचा प्रतिष्ठित हँडबॅग, सोथबी लिलावात पॅरिसमधील फॅशन आयकॉनच्या विक्रीचा एक भाग म्हणून विकला गेला. हा लिलावात विकला गेलेला आतापर्यंतचा सर्वात महागडा हँडबॅग ठरला आहे. हर्मेसने दिवंगत अभिनेत्री, गायिका आणि फॅशन आयकॉन जेन बिर्किन यांच्या नावाने पहिला बिर्किन बॅग तयार केला होता.
शेवटी 86 कोटी रुपयांचा हा हँडबॅग कोणी खरेदी केला?
जपान टाईम्सच्या अहवालानुसार, लक्झरी वस्तूंची पुनर्विक्री करणाऱ्या ‘वॅल्युएन्स जपान’ या कंपनीने ही बॅग खरेदी केली आहे. टोकियोस्थित वॅल्युएन्स जपान ही एक लक्झरी प्रोडक्ट्स रीसेल करणारी कंपनी आहे. ही कंपनी वॅल्युएन्स होल्डिंग्स इन्कची एक प्रमुख सहाय्यक कंपनी आहे, जी प्रामुख्याने री-यूज व्यवसायात गुंतलेली आहे. तथापि, सोथबीने लिलावात यशस्वी बोली लावणाऱ्या खरेदीदाराची अधिकृत ओळख उघड केली नाही. सोथबीकडून फक्त एवढंच सांगितलं गेलं की हा हर्मेस बॅग जपानमधील एका अज्ञात “प्रायव्हेट कलेक्टर” कडे गेला आहे. या खरेदीदाराने फोनवरून बोली लावली होती.
सोशल मीडियावरही बिर्किन बॅग चर्चेचा विषय
86 कोटी रुपयांना विकला गेलेला हा “ओरिजिनल” बिर्किन बॅग सोशल मीडियावरही मोठ्या चर्चेचा विषय ठरली आहे. काही लोकांचं म्हणणं आहे की या जपानी खरेदीदाराकडे आधीच 80 पेक्षा जास्त बॅग्स आहेत, त्यापैकी 30 बॅग्स अतिशय दुर्मिळ प्रकारच्या लेदरच्या आहेत.
