29 जून 2025 रोजी संपूर्ण कोकण किनारपट्टीसह मुंबई, पालघर, ठाणे आणि नवी मुंबई परिसरात हवामान ढगाळ राहणार असून, हलक्या ते मध्यम स्वरूपाच्या सरी पडण्याची शक्यता भारतीय हवामान विभागाने वर्तवली आहे. काही भागांत जोरदार वाऱ्यासह विजांच्या कडकडाटात पावसाचा अंदाजही व्यक्त करण्यात आला आहे. या भागांमध्ये हवामान ढगाळ राहणार असून हलक्या ते मध्यम स्वरूपाच्या सरी पडण्याची शक्यता आहे. काही ठिकाणी वाऱ्याचा वेग वाढू शकतो आणि विजांच्या कडकडाटासह पाऊस पडण्याचीही शक्यता वर्तवण्यात आली आहे.
मुंबईत हवामान कसे राहिल?
मुंबईत आज दिवसभर आकाश ढगाळ राहण्याची शक्यता आहे. सकाळच्या सुमारास तुरळक सरी पडू शकतात, तर दुपारी व संध्याकाळच्या वेळेस हलक्या ते मध्यम स्वरूपाचा पाऊस होण्याची शक्यता हवामान विभागाने वर्तवली आहे. तापमान अंदाजे 27 अंश सेल्सिअस ते 30 अंश सेल्सिअस दरम्यान राहील. पावसामुळे वाहतुकीवर थोडाफार परिणाम होण्याची शक्यता आहे.
कोकण किनारपट्टीवरील एक महत्त्वाचा जिल्हा म्हणजे पालघर. गेल्या 3 ते 4 दिवसांपासून येथे मध्यम स्वरूपाचा पाऊस पडत आहे. आजही पालघर जिल्ह्यात ढगाळ वातावरण राहण्याची शक्यता असून, मध्यम स्वरूपाच्या पावसाचा अंदाज व्यक्त करण्यात आला आहे. काही भागांत संध्याकाळी पावसाचा जोर वाढण्याची शक्यता आहे. तापमान 26 अंश सेल्सिअस ते 30 अंश सेल्सिअस दरम्यान राहील. नागरिकांनी सखल भागांमध्ये प्रवास करताना आवश्यक ती काळजी घ्यावी.
मुंबईकरांनो काळजी घ्या!
आज मध्य रेल्वेवर मेगा ब्लॉक असल्यामुळे काही गाड्या उशिराने धावतील. त्यामुळे प्रवास करताना वेळेचा अंदाज घेणे गरजेचे आहे. त्याचबरोबर, घराबाहेर निघताना पावसाचा अंदाज लक्षात घेणेही महत्त्वाचे आहे. आज ठाणे आणि नवी मुंबईमध्ये दिवसभर ढगाळ वातावरण राहण्याची शक्यता आहे. सकाळच्या सुमारास तुरळक सरी पडू शकतात, तर दुपारनंतर काही भागांत पावसाचा जोर वाढू शकतो. विजांच्या कडकडाटाचीही शक्यता वर्तवण्यात आली आहे. तापमान 27 अंश सेल्सिअस ते 31 अंश सेल्सिअस दरम्यान राहील.
कोकणच्या सर्व जिल्ह्यांमध्ये आज दिवसभर पावसाची शक्यता असून, काही भागांत मध्यम ते मुसळधार सरी कोसळू शकतात. आकाश ढगाळ राहणार असून, हवामानात आर्द्रतेचे प्रमाण अधिक असेल. तापमान अंदाजे 25 अंश सेल्सिअस ते 30 अंश सेल्सिअस दरम्यान राहण्याची शक्यता आहे. समुद्रकिनाऱ्यावर जाणाऱ्यांनी विशेष काळजी व सतर्कता बाळगावी.
