जेव्हा तुम्ही एखाद्याशी बोलत असता आणि कोणीतरी तुम्हाला सांगितले की तुमच्या तोंडातून दुर्गंधी येते तेव्हा तुम्हाला कसे वाटते? पण तुम्हाला माहिती आहे का की कधीकधी तोंडाच्या दुर्गंधीचे कारण केवळ स्वच्छतेचा अभाव नसून ते शरीरात काही आवश्यक जीवनसत्त्वे किंवा पोषक तत्वांच्या कमतरतेमुळे देखील असू शकते. तोंडाच्या दुर्गंधीपासून मुक्त होण्यासाठी पुरेसे पाणी पिणे महत्वाचे आहे, त्याशिवाय योग्य आहार घेणे देखील महत्वाचे आहे. आज आम्ही तुम्हाला सांगणार आहोत की कोणत्या जीवनसत्त्वांच्या कमतरतेमुळे तोंडातून दुर्गंधी येते.
व्हिटॅमिन डी ची कमतरता
व्हिटॅमिन डी केवळ हाडे आणि दात मजबूत करण्यास मदत करत नाही तर तोंडाची दुर्गंधी दूर करण्यास देखील मदत करते. जेव्हा शरीरात व्हिटॅमिन डीची कमतरता असते, त्यामुळे दात कमकुवत होऊ लागतात आणि हिरड्या संसर्गित होऊ शकतात किंवा सुजू शकतात, ज्यामुळे तोंडाची दुर्गंधी येऊ शकते. व्हिटॅमिन डीची कमतरता दूर करण्यासाठी तुम्ही तुमच्या आहारात अंडी, चीज, दूध, दही आणि संत्र्याचा रस समाविष्ट करू शकता.
व्हिटॅमिन सी ची कमतरता
शरीरात व्हिटॅमिन सीची कमतरता असल्यास तोंडातून दुर्गंधी येते. त्याच्या कमतरतेमुळे तोंडातही संसर्ग पसरू शकतो. व्हिटॅमिन सीची कमतरता दूर करण्यासाठी तुम्ही तुमच्या आहारात द्राक्षे, लिंबू, संत्री, स्ट्रॉबेरी, पालक आणि टोमॅटो यांसारखी फळे आणि भाज्यांचा समावेश करू शकता. यामुळे तोंडाची दुर्गंधी तर दूर होईलच पण शरीराची ताकदही वाढेल.
कमी पाणी पिणे
तुम्ही कमी पाणी पित असाल तर तुमच्या तोंडाची दुर्गंधी येऊ शकते. खरं तर, जेव्हा शरीरातील पाणी कमी होते (डिहायड्रेशन), तेव्हा तोंड कोरडं पडतं. यामुळे तोंडातील लाळ कमी होते आणि तोंडात जिवाणूंची वाढ होते, जे श्वासात दुर्गंध निर्माण करतात.
(टीप : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल MP मराठी Breaking कोणताही दावा करीत नाही.)
