Which Fruits Should Not Be Eaten in Diabetes: मधुमेह हा एक असा आजार आहे जो केवळ चांगल्या आहार आणि व्यायामानेच नियंत्रित केला जाऊ शकतो. मधुमेहात, खाण्यापिण्याच्या सवयींकडे खूप लक्ष द्यावे लागते. जर आपण मधुमेहात फळे खावीत की नाही याबद्दल बोललो तर तज्ज्ञांचे मत आहे की, मधुमेहाच्या रुग्णांसाठी फळे खाणे थोडे अवघड असू शकते.पोषणतज्ञ आणि आहारतज्ज्ञ यांच्या मते, फळे मधुमेहाच्या रुग्णांसाठी चांगली असतात परंतु ती मर्यादित प्रमाणात खावीत. फळे आरोग्यासाठी खूप फायदेशीर असतात. परंतु त्यामध्ये साखर आणि कार्बोहायड्रेट्स देखील असतात. ज्यामुळे रक्तातील साखर वाढू शकते.
तज्ज्ञांच्या मते, फळांमध्ये नैसर्गिक साखर आणि कार्बोहायड्रेट्स असतात. ज्यामुळे रक्तातील साखरेची पातळी वाढू शकते. म्हणून, मधुमेहाच्या रुग्णांनी फळे काळजीपूर्वक निवडावीत आणि मर्यादित प्रमाणात खावीत. मधुमेहात कोणती फळे खाऊ नयेत ते आज आपण जाणून घेणार आहोत. जेणेकरून तुम्हाला साखर नियंत्रणात ठेवण्यास मदत होईल.
आंबा-
फळांचा राजा समजला जाणारा आंबा, हे एक लोकप्रिय फळ आहे. परंतु त्याचा जीआय ५१-६० च्या दरम्यान असतो. त्यात फ्रुक्टोज आणि सुक्रोजचे प्रमाण जास्त असते. जे रक्तातील साखर वाढवू शकते. मधुमेहाच्या रुग्णांनीही आंबा कमी प्रमाणात खावा.
टरबूज-
उन्हाळ्यात आवडता टरबूज चविष्ट असतो. पण त्याचा जीआय ७२-८० च्या दरम्यान असतो. जो खूप जास्त असतो. त्यात साखरेचे प्रमाणही जास्त असते. म्हणून ते कमी प्रमाणात खावे.
केळी-
केळीचा जीआय त्याच्या पिकण्याच्या वेळेवर अवलंबून असतो. मधुमेहाच्या रुग्णांसाठी कमी पिकलेले केळे (GI 42-62) ठीक आहे. परंतु जास्त पिकलेले केळे साखरेचे प्रमाण लवकर वाढवू शकते. म्हणून, कमी पिकलेली केळी खा आणि तीही मर्यादित प्रमाणात.
द्राक्षे-
द्राक्षांचा जीआय कमी असतो. परंतु त्यांचा लहान आकार जास्त खाण्यास प्रवृत्त करू शकतो. डॉक्टरांच्या मते, मधुमेहाच्या रुग्णांनी द्राक्षे टाळावीत. चेरीचा जीआय बदलू शकतो. परंतु तो सामान्यतः मध्यम ते उच्च असतो. म्हणून, हे देखील मर्यादित प्रमाणात खा.
अननस-
अननसमध्ये नैसर्गिक साखरेचे प्रमाण जास्त असते. ज्यामुळे रक्तातील साखरेचे प्रमाण वेगाने वाढू शकते. म्हणून, अननसाचे सेवन कमी करा
(टीप : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल MP मराठी Breaking कोणताही दावा करीत नाही.)
