IPL Cheerleaders And Umpire Salary : इंडियन प्रीमियर लीग ही केवळ एक स्पर्धा नाही तर एक व्यवसाय मॉडेल देखील आहे. या खेळात संघ मालकांसह खेळाडूही कोट्यवधी रुपये कमावतात. चीअरलीडर्स आणि पंचांनाही भरपूर पैसे मिळतात. संघातील खेळाडूंचा लिलाव केला जातो, ज्यामध्ये त्यांना मिळणारी रक्कम सर्वांना माहित आहे. पण तुम्हाला माहिती आहे का? चिअरलीडर्स आणि पंचांना एका सामन्यासाठी किती पैसे मिळतात?
एका सामन्यासाठी चीअरलीडर्सना किती पैसे मिळतात?
आयपीएल सामन्यांदरम्यान, जेव्हा चौकार-षटकार मारले जातात किंवा जेव्हा एखादा संघ विकेट गमावतो तेव्हा चीअरलीडर्स त्यांच्या संबंधित संघांना पाठिंबा देताना दिसतात. सर्व संघांच्या चीअरलीडर्सचे पगार वेगवेगळे असतात. सर्व फ्रँचायझी त्यांच्या सोयीनुसार त्यांचे वेतन ठरवतात.
एका आयपीएल हंगामातून चीअरलीडर्स २ ते ४ लाख रुपये कमवू शकतात. आयपीएलमध्ये, एक संघ त्यांच्या चीअरलीडर्सना एका सामन्यासाठी सुमारे १४ हजार रुपये देतो. काही संघ तर २४ हजार रुपयांपर्यंत देतात. अशाप्रकारे, चीअरलीडर्सना संघानुसार वेगवेगळ्या प्रमाणात पैसे मिळतात.
पंचांना किती पैसे मिळतात?
पंचांचे काम सामना योग्यरित्या चालवणे आहे आणि ते सामन्यात निर्णायक भूमिका बजावतात. पंचांना चीअरलीडर्सपेक्षा जास्त काम असते आणि म्हणूनच त्यांचा पगारही जास्त असतो. आयपीएल २०१९ मध्ये सर्वात प्रसिद्ध मॅच रेफ्री जवागल श्रीनाथ यांना ५२.४५ लाख रुपये मिळाले होते. मनु नायर यांना आयपीएलमध्ये पंचगिरीसाठी आधीच ४१.९६ लाख रुपये मिळाले आहेत. आयपीएल सामन्यात, पहिल्या पंचाचा निर्णय बदलण्यासाठी रिव्ह्यू देखील घेतला जाऊ शकतो, ज्याला डीआरएस म्हणतात.
