दिल्ली: तिकडे दिल्लीत वाहतूक पोलिसांनी एक अनोखी शक्कल लढवली आहे. यामध्ये नागरिकांनाच ट्राफिक पोलिसांची भूमिका पार पाडता येणार आहे. दिल्ली ट्रॅफिक पोलिसांनी नागरिकांना अधिकार दिला आहे की, कुणी ट्रॅफिक नियम तोडताना दिसल्यास त्याचा फोटो काढून तुम्ही चालान पाठवू शकता. या कामाच्या बदल्यात तुम्हाला पैसेही मिळू शकतात.
10 ते 50 हजार मिळवा, कसे?
जे नागरिक सर्वाधिक अचूक चालान पाठवतील, त्यांना दर महिन्याला 10,000 ते 50,000 रुपयांपर्यंतचे बक्षीस दिले जाईल. नागरिकांसाठी ही कमाईची एक उत्तम संधी ठरणार आहे. या योजनेत सहभागी होण्यासाठी तुम्हाला Google Play Store वरून ‘Prahari’ अ‍ॅप डाउनलोड करावे लागेल. त्यानंतर मोबाईल क्रमांकाद्वारे OTP व्हेरिफिकेशन करून नोंदणी पूर्ण करावी लागेल. नोंदणी झाल्यानंतर तुम्ही चालान पाठवण्यासाठी पात्र ठरता.
फोटो पाठवा, पैसे कमवा
जर एखादी गाडी चुकीच्या पद्धतीने पार्क केलेली असेल, सिग्नल तोडलेला असेल किंवा चालकाने हेल्मेट घातलेले नसेल तर त्या गाडीचा स्पष्ट फोटो काढा आणि ‘Prahari’ अ‍ॅपवर अपलोड करा. त्यासोबतच त्या ठिकाणाचा पत्ता, वेळ आणि नियम उल्लंघनाची माहिती भरावी लागेल. त्यानंतर दिल्ली ट्रॅफिक पोलिसांची टीम तुम्ही पाठवलेला फोटो योग्य आहे की नाही, याची तपासणी करेल. त्यामुळे कोणीही खोटा किंवा सूडबुद्धीने पाठवलेले चालान चुकीच्या पद्धतीने स्वीकारले जाणार नाही. फसवणुकीपासून वाचण्यासाठी ही एक उत्तम व्यवस्था आहे.
दिल्लीतील वाहतूक नियमांची पायमल्ली
