Saranane Karandikar : कोकणातून आलेल्या सदानंद करंदीकर यांचे आज सर्वांना दातृत्व पाहायला मिळाले. सिंधुदुर्ग सुपूत्र सदानंद करंदीकर ८२ वर्षांचे आहेत. त्यांनी १० लाखांचे दोन धनादेश आज मुख्यमंत्री देवेंद्र फडणवीस यांच्याकडे सुपूर्द केले. पंतप्रधान निधी आणि मुख्यमंत्री सहायता निधीसाठी त्यांनी वीस लाखांची रक्कम समर्पित केली. सदानंद विष्णू करंदीकर असे या दानशूर सिंधु पुत्राचे नाव. करंदीकर मुळचे सिंधुदुर्ग जिल्ह्यातील आचरा येथले आहेत. सदानंद करंदीकर यांच्या या कृतीचे सर्व स्थरातून कौतुक होत आहे.
रेल्वे लोकल, बसने गाठले मंत्रालय…
दरम्यान, सदानंद करंदीकर हे सध्या बहिण प्रभा श्रीराम शितूत यांच्याकडे राहतात. वृध्दाश्रम, कर्करोगग्रस्तांच्या कुटुंबीयांची धावपळ यांचा अनुभव गाठीशी असणाऱ्या सिंधुदुर्ग सुपूत्र सदानंद करंदीकर यांनी सागरा प्रमाणेच समाजाच्या ऋणातून उतराई होण्यासाठीचे आपले दातृत्वही अमर्याद असल्याचे सिद्ध केल्याची भावना अनेकांनी व्यक्त केली. पुढे त्यांनी थेट कोकणातून डोंबिवलीत आले.
आणि नंतर डोंबिवलीतून लोकलने प्रवास करत पुढे बसचा प्रवास करुन ते मंत्रालयात आले… आणि त्यांनी मुख्यमंत्री देवेंद्र फडणवीस यांची भेट घेत त्यांच्याकडे २० लाखाचा निधी सुपुूर्द केला. यानंतर मुख्यमंत्री आणि उपमुख्यमंत्री एकनाथ शिंदे यांनी करंदीकर यांच्या संवेदनशीलता आणि दातृत्वाला नमन केले. तसेच त्यांच्या या दातृत्वाला मुख्यमंत्री फडणवीस आणि उपस्थित उपमुख्यमंत्री एकनाथ शिंदे यांनी दाद दिली.
आयुष्यभराची कमाई समाजासाठी समर्पित…
सुसरीकडे सदानंद करंदीकर हे खाजगी कंपनीतून निवृत्त झाले. त्यांच्या पत्नी श्रीमती सुमती करंदीकर शासकीय सेवेतून निवृत्त झाल्या होत्या. हे दोघेही अपत्य नसल्याने नेरुळमधील आनंद वृद्धाश्रमात रहात असत. गतवर्षी ऑगस्टमध्ये करंदीकर यांच्या पत्नीचा कर्करोगाने मृत्यू झाला. कर्करोगग्रस्तांच्या नातेवाईकांची धावपळ आणि पैशांसाठी करावी लागणारी धडपड सदानंद करंदीकर जवळून पाहिली.
त्यामुळे त्यांनी पत्नीच्या स्मरणार्थ आपल्या कमाईतील मोठा भाग समाजालाच परत करण्याचा निर्णय घेतला. म्हणूनच अध्यात्मात आणि शेतीत रस असलेले सदानंद करंदीकर यांनी मंत्रालयाकडे धाव घेतली. त्यांनी मुख्यमंत्री सहायता निधीला १० लाख आणि पंतप्रधान सहायता निधीला १० लाख असा एकूण २० लाख रुपयांच्या निधीचे धनादेश मुख्यमंत्री देवेंद्र फडणवीस यांच्याकडे सुपूर्द केले.
