भारतातील बर्‍याच मृत्यूंचे मुख्य कारण उच्च कोलेस्ट्रॉलमुळे होणारे हृदयविकाराचे झटके आहेत. आजकालची बदलती जीवनशैली, कामाचा ताण, व्यायामाचा अभाव, जंकफूडचे सेवन यासारख्या अनेक गोष्टीमुळे लोकांना विविध गंभीर आजारांनी ग्रासलंय. लठ्ठपणा देखील मोठ्या प्रमाणात होताना दिसत आहे. सध्याची स्थिती पाहता भारत देशासह संपूर्ण जगभरात हृदयविकाराच्या रुग्णांमध्ये झपाट्याने वाढ होत आहे. हृदयविकाराचे झटके येण्याचं प्रमाण तरुणांमध्ये ही वाढले आहे. काय आहेत या मागची नेमकी कारणे जाणून घ्या…
तरुणपणात हृदयविकाराचा झटका येण्याची कारणे
उच्च कोलेस्ट्रॉल
बदलती जीवनशैली
धूम्रपान
मधुमेह
लठ्ठपणा
तरुणांमध्ये हृदयविकाराचा धोका वाढण्यास लठ्ठपणा, तसेच इतर जीवनशैलीशी संबंधित घटक जसे की, बैठी जीवनशैली, अयोग्य आहार आणि तणाव कारणीभूत आहेत. लठ्ठपणा हृदयविकाराचा एक महत्त्वाचा धोकादायक घटक आहे. यामुळे उच्च रक्तदाब, मधुमेह आणि उच्च कोलेस्ट्रॉल सारख्या समस्या उद्भवू शकतात, ज्या हृदयविकाराच्या धोक्याला निमंत्रण देतात.
लक्षणे
छातीत दुखणे, श्वास लागणे, चक्कर येणे, मळमळ आणि थकवा यांसारख्या लक्षणांकडे दुर्लक्ष करू नका. अशी लक्षणे दिसल्यास त्वरित वैद्यकीय सल्ला घ्या.
हृदयविकार टाळण्यासाठी आणि हृदय निरोगी ठेवण्यासाठी काही घरगुती उपाय
- दररोज कमीत कमी 30 मिनिटे चालणे, जॉगिंग किंवा इतर शारीरिक ऍक्टिव्हिटीज करा.
- फळे, भाज्या, कडधान्ये आणि कमी चरबीयुक्त पदार्थांचे सेवन करा.
- लठ्ठपणा हृदयविकारासाठी धोकादायक आहे, त्यामुळे वजन नियंत्रणात ठेवणे आवश्यक आहे.
- धूम्रपान आणि मद्यपान हृदयविकाराचा धोका वाढवतात.
- योगा, ध्यान किंवा इतर ऍक्टिव्हिटीज करून तणाव कमी करण्याचा प्रयत्न करा.
- दररोज 7-8 तास झोप घेणे आरोग्यासाठी आवश्यक आहे.
(टीप : वरील सर्व माहिती उपलब्ध स्त्रोतावरून देण्यात आलेली आहे. याच्या तथ्यांबद्दल MP मराठी Breaking कोणताही दावा करीत नाही.)
