Benefits of eating curry leaves: भारतातील अनेक पदार्थांमध्ये कढीपत्ता वापरला जातो. कढीपत्त्याच्या तडक्यासह सांबार असो किंवा चटणी असो, लोक ते चवीने खातात. परंतु, कढीपत्त्याचे काम केवळ चव आणि सुगंध वाढवण्याचे नाही तर त्याचे अनेक आरोग्य फायदे देखील आहेत.
कढीपत्त्यामध्ये औषधी गुणधर्म भरपूर असतात आणि त्यामुळे अनेक गंभीर आजारांचा धोका कमी होतो. दररोज रिकाम्या पोटी कढीपत्ता चघळणे खूप फायदेशीर आहे.
रिसर्च गेट (रेफ) नुसार, त्यात लोह, प्रथिने, कॅल्शियम, व्हिटॅमिन सी इत्यादी अनेक पोषक घटक आढळतात. अशा परिस्थितीत कढीपत्ता अनेक शारीरिक समस्या दूर करण्यास मदत करतो. कढीपत्त्याला गोड कडुलिंब असेही म्हणतात. जर तुम्ही दररोज सकाळी रिकाम्या पोटी ७ ते ८ कढीपत्ता पाण्यासोबत चावून खाल्ले तर तुम्हाला अनेक आश्चर्यकारक फायदे मिळू शकतात.
वजन कमी करण्यासाठी उपयुक्त-
कढीपत्ता खाल्ल्याने चयापचय सुधारतो आणि वजन कमी होण्यास मदत होते. त्यात लठ्ठपणाविरोधी आणि लिपिड-कमी करणारे प्रभाव आहेत जे वजन वाढण्यास प्रतिबंध करतात. वजन कमी करण्यासाठी तुम्ही ५ ते ६ कढीपत्ता चावून कोमट पाणी पिऊ शकता.
रक्तातील साखर नियंत्रणात राहण्यास मद्त-
मधुमेहाच्या रुग्णांसाठी कढीपत्ता ही एक अतिशय चमत्कारिक औषधी वनस्पती आहे. याच्या सेवनाने रक्तातील साखरेची पातळी नियंत्रित राहण्यास मदत होते. तसेच रक्तात जमा होणारे वाईट कोलेस्ट्रॉल कमी करते. कढीपत्ता खाल्ल्याने हृदय, यकृत आणि मूत्रपिंड निरोगी राहतात.
दृष्टी सुधरण्यास मदत-
जर तुम्हाला तुमची दृष्टी सुधारायची असेल तर कढीपत्ता खाण्यास सुरुवात करा. यामध्ये असलेले व्हिटॅमिन ए दृष्टी सुधारते. वयानुसार उद्भवणाऱ्या डोळ्यांशी संबंधित समस्यांवर मात करण्यासाठी कढीपत्त्याचे सेवन देखील करता येते. तुम्हाला हवे असल्यास, तुम्ही कढीपत्त्यामध्ये मध मिसळून ते खाऊ शकता.
पोटाचे आजार दूर होतात-
दररोज सकाळी रिकाम्या पोटी कढीपत्ता चावल्याने पोटाशी संबंधित अनेक समस्यांपासून आराम मिळतो. त्यामध्ये आढळणारे एंजाइम पचनसंस्था सुधारण्यास मदत करतात. कढीपत्ता खाल्ल्याने बद्धकोष्ठता, गॅस, आम्लता, पोटफुगी इत्यादी समस्या होत नाहीत.
