हिरव्या भाज्या आपल्या आरोग्यासाठी फायदेशीर असतात. या हिरव्या भाज्यांपैकी एक म्हणजे भेंडी. भेंडी ही आपल्या आरोग्यासाठीच नाही तर त्वचेसाठी देखील खूप फायदेशीर ठरते. भेंडीमध्ये असलेले जीवनसत्त्वे, खनिजे आणि अँटीऑक्सिडंट्स तुमच्या त्वचेला पोषण देतात आणि निरोगी ठेवतात. भेंडी तुमच्या त्वचेला केवळ हायड्रेट करत नाही तर सुरकुत्या, मुरुमे आणि इतर त्वचेच्या समस्यांशी लढण्यास देखील मदत करते.
भेंडीच्या पाण्याने त्वचेची काळजी कशी घ्यावी?
भेंडी स्वच्छ धुवून त्याचे तुकडे करा. एका भांड्यात पाणी घेऊन भेंडीचे तुकडे टाका. पाणी उकळवून थोडं थंड होऊ द्या. नंतर भेंडीचे पाणी गाळून घ्या. चेहरा स्वच्छ धुवून घ्या. भेंडीचे पाणी चेहऱ्याला आणि मानेवर स्प्रे करा किंवा कापसाने चेहऱ्याला लावा. 15-20 मिनिटे तसेच ठेवा. नंतर थंड पाण्याने चेहरा धुवा.
भेंडीच्या पाण्याचे फायदे
भेंडीच्या सौम्य गुणधर्मांमुळे ते संवेदनशील त्वचेसह सर्व प्रकारच्या त्वचेसाठी योग्य बनते. भेंडीचे पाणी टोनर म्हणून, किंवा फेस पॅकमध्ये वापरून त्याचे फायदे मिळवू शकता. भेंडीचे पाणी नियमित वापरल्याने तुमची त्वचा ताजी आणि पोषणयुक्त वाटेल.
(टीप : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल MP मराठी Breaking कोणताही दावा करीत नाही.)
