जर तुम्हालाही प्रत्येक वेळी आधार कार्डची फॉटोकॉपी सादर करावी लागत असेल तर तुमच्यासाठी एक आनंदाची बातमी आहे. येत्या काही आठवड्यात, तुम्हाला तुमच्या आधार कार्डची झेरॉक्स देण्याची आवश्यकता राहणार नाही. त्याऐवजी, तुम्ही एका नवीन मोबाइल अॅपद्वारे QR कोडद्वारे इलेक्ट्रॉनिक आधार शेअर करू शकाल. खरंतर सरकार आधारसाठी एक नवीन अॅप लाँच करणार आहे.
UIDAI च्या नवीन सुविधेचा तुम्हाला फायदा होईल
टाईम्स ऑफ इंडियाच्या वृत्तानुसार, UIDAI (युनिक आयडेंटिफिकेशन अथॉरिटी ऑफ इंडिया) चे सीईओ भुवनेश कुमार यांनी सांगितले आहे की, एक नवीन अॅप विकसित करण्यात आले आहे आणि एक लाख मशीनपैकी सुमारे 2,000 मशीन या नवीन टूलशी जोडल्या गेल्या आहेत.
“तुम्ही लवकरच घरून सर्वकाही करू शकाल, यामध्ये पत्ता अपडेट, मोबाईल नंबर, नावात बदल, जन्मतारीख दुरुस्ती यांचा समावेश असेल.
बायोमेट्रिक वगळता, बाकी सर्वकाही घरी बसून अपडेट होणार
नोव्हेंबरपर्यंत, UIDAI एक नवीन प्रक्रिया सुरू करेल ज्या अंतर्गत नागरिकांचा पत्ता आणि इतर तपशील जन्म प्रमाणपत्र, मॅट्रिक प्रमाणपत्र, ड्रायव्हिंग लायसन्स, पासपोर्ट, पॅन, पीडीएस आणि मनरेगा डेटा वापरून स्वयंचलितपणे अपडेट केले जातील. यामुळे बनावट कागदपत्रांसह आधार बनवण्याची शक्यता कमी होईल आणि प्रक्रिया देखील सोपी होईल. UIDAI वीज बिल डेटाबेसशी जोडण्याचा प्रयत्न करत आहे ज्यामुळे ओळख पडताळणी आणखी सोपी होईल.
क्यूआर कोड स्कॅन करून आधार शेअर करा
आता तुम्ही मोबाईल-टू-मोबाइल किंवा अॅप-टू-अॅप द्वारे QR कोड स्कॅन करून आधार शेअर करू शकाल, तेही तुमच्या संमतीनंतरच. ही पद्धत तुम्हाला तुमच्या डेटावर पूर्ण नियंत्रण देईल आणि तिचे अनेक उपयोग आहेत जसे की: हॉटेल चेक-इन, ट्रेनमध्ये ओळख पडताळणी, मालमत्ता नोंदणी दरम्यान फसवणूक रोखण्यासाठी इ. फसवणूक रोखण्यासाठी मालमत्ता नोंदणीच्या वेळी आधारद्वारे व्यक्तीची ओळख पडताळण्यासाठी UIDAI राज्यांना प्रोत्साहित करत आहे.
