बऱ्याचदा आपल्याला वाटतं की आपण खूप मेहनत करत आहोत, तरीही पैसे का राहत नाहीत. अशा परिस्थितीत, तुमच्या घरात काही वास्तुदोषआहे का हे जाणून घेणे महत्त्वाचे ठरते. विशेषतः जर तिजोरीची चावी चुकीच्या ठिकाणी किंवा दिशेने ठेवली असेल तर त्याचा पैशाच्या समृद्धीवर परिणाम होतो. जर तिजोरी चुकीच्या दिशेने ठेवली गेली असेल तर तुमच्या पैशांची बचत होत नाही. तिजोरी संबंधित वास्तू नियमांबद्दल जाणून घ्या…
तिजोरीची चावी ठेवण्यासाठी योग्य दिशा
वास्तुशास्त्रानुसार, तिजोरीची चावी ठेवण्यासाठी योग्य दिशा निवडणे खूप आवश्यक आहे. उत्तर दिशा किंवा पश्चिम दिशा तिजोरी ठेवण्यासाठी सर्वोत्तम मानली जाते. तिजोरीचे तोंड नेहमी पूर्वेकडे किंवा उत्तरेकडे उघडले पाहिजे. उत्तर दिशा धन आणि समृद्धीशी संबंधित आहे, म्हणून तिजोरी या दिशेला ठेवणे शुभ मानले जाते. पश्चिम दिशा देखील तिजोरी ठेवण्यासाठी चांगली मानली जाते.
नैऋत्य दिशा
तिजोरीची चावी नैऋत्य दिशेत ठेवल्यास आर्थिक लाभ होतो, असे वास्तशास्त्रानुसार मानले जाते. या दिशेमध्ये तिजोरीची चावी ठेवल्यास पैशांची बचत होते आणि अनावश्यक खर्च कमी होतो, असे म्हटले जाते. तिजोरी आणि तिजोरीची चावी नैऋत्य दिशेत ठेवल्यास धनवृद्धी होते.
तिजोरी आणि तिजोरीची चावी एकाच ठिकाणी ठेवू नये
तिजोरी आणि तिजोरीची चावी एकाच ठिकाणी ठेवू नये. तिजोरी उत्तर दिशा किंवा उत्तर-पूर्व दिशा (ईशान कोण) मध्ये ठेवावी, कारण या दिशेला धनदेव कुबेर आणि लक्ष्मीची दिशा मानले जाते. तिजोरी आणि चावी एकाच ठिकाणी ठेवू नये, कारण त्यामुळे धन आकर्षित होण्यास अडथळा येतो.
हे नियम सुद्धा लक्षात ठेवा
- चावी ठेवण्यासाठी नेहमी लाकडी स्टँड वापरा.
- तिजोरीच्या आसपास अनावश्यक वस्तू ठेवू नका, ज्यामुळे नकारात्मक ऊर्जा निर्माण होऊ शकते.
- तिजोरी आणि चावी नेहमी स्वच्छ ठेवा.
- तिजोरी नेहमी भरलेली ठेवा, जेणेकरून धनसंपत्ती आकर्षित होईल.
- तिजोरी नेहमी देवी लक्ष्मी आणि कुबेर यांचे निवासस्थान असल्याचे मानले जाते. त्यामुळे नेहमी त्यात लाल रंगाचे कापड ठेवा. नेहमी स्वच्छ हाताने उघडा. उघडताना शूज आणि चप्पल इत्यादी काढा.
(टीप : वरील सर्व माहिती उपलब्ध स्त्रोतावरून देण्यात आलेली आहे. याच्या तथ्यांबद्दल MP मराठी Breaking कोणताही दावा करीत नाही, तसेच अंधश्रद्धेला दुजोरा देत नाही.)
