के.कस्तुरीरंगन यांच्या निधनाने इस्रोला मोठा धक्का, कोण होते के. कस्तुरीरंगन?

इस्रोचे माजी प्रमुख डॉ. के. कस्तुरीरंगन यांचे आज बंगळुरू येथील त्यांच्या राहत्या घरी सकाळी 10.43 वाजता निधन झाले. डॉ. के. कस्तुरीरंगन यांचा जन्म 24 ऑक्टोबर 1940 रोजी झाला आहे. इस्रोचे माजी प्रमुख डॉ. के. कस्तुरीरंगन यांनी इस्रोमध्ये अध्यक्ष आणि सचिव म्हणून 9 वर्षांहून अधिक काळ भारतीय अंतराळ कार्यक्रमाचे नेतृत्व केले. या काळात त्यांनी अनेक मोठ्या अवकाश मोहिमांचा कारभार पाहिला होता.

तसेच डॉ. कस्तुरीरंगन यांनी मुंबई विद्यापीठातून भौतिकशास्त्रात बॅचलर ऑफ सायन्स आणि मास्टर ऑफ सायन्स पदवी प्राप्त केली. त्याचसोबत 1971 मध्ये अहमदाबादमधील भौतिक संशोधन प्रयोगशाळेतून प्रायोगिक उच्च ऊर्जा खगोलशास्त्रात पदव्युत्तर मिळवली. आज त्यांनी त्यांच्या राहत्या घरी अखेरचा श्वास घेतला असून त्यांचे पार्थिव बंगळुरू येथे अंत्यदर्शनासाठी ठेवले होते. कस्तुरीरंगन यांच्या जाण्याने भारतीय अवकाश संशोधन क्षेत्रातील मोठा अवलिया हरवल्याची भावना व्यक्त केली जात आहे. डॉ. के. कस्तुरीरंगन हे प्रसिद्ध भारतीय खगोलशास्त्रज्ञ होते. त्याचसोबत त्यांनी भारताच्या अंतराळ योजनेत त्यांचे महत्त्वपूर्ण योगदान दिले आहे,