Samsung Galaxy Z Flip FE : सॅमसंग प्रेमींना 2025 हे वर्ष आतापर्यंत फारच धमाकेदार ठरणार आहे. कंपनी पुढील महिन्यांत देखील मोठा धमाका करण्याची योजना आखत आहे. कंपनी लवकरच भारतीय बाजारात एक स्वस्त फ्लिप स्मार्टफोन लॉन्च करू शकते, जो Samsung Galaxy Z Flip FE असेल. हा स्मार्टफोन अपकमिंग Galaxy Z Flip 7 चा एक लोअर वेरिएंट असेल. या स्मार्टफोनमध्ये फॅन्सना तगडे फीचर्स मिळणार आहेत.
Samsung Galaxy Z Flip FE संदर्भात अनेक बाबी आधीच लीक झाल्या आहेत. कंपनी हा स्मार्टफोन जुलैमध्ये होणाऱ्या गॅलेक्सी अनपॅक्ड इव्हेंटमध्ये लॉन्च करू शकते. कंपनी Galaxy Z Flip 7 FE लॉन्च करण्याची तयारी करत आहे. तुम्हाला माहिती द्यायची असेल तर लॉन्च होण्याआधीच याची किंमत समोर आली आहे. जर तुम्हाला स्वस्त फोल्डेबल फोन घ्यायचा असेल, तर हा एक उत्तम पर्याय ठरू शकतो.
Galaxy Z Flip 7 FE ची किंमत लीक
GSMArena ने आपल्या रिपोर्टमध्ये Galaxy Z Flip 7 FE ची किंमत उघड केली आहे. रिपोर्टनुसार हा स्मार्टफोन दक्षिण कोरियामध्ये KRW 1 मिलियन म्हणजे सुमारे 61,800 रुपये या किमतीपासून सुरू होणार आहे. अमेरिकन मार्केटमध्ये हा फ्लिप फोन 799 डॉलर म्हणजे अंदाजे 66,700 रुपयांमध्ये लॉन्च होऊ शकतो. जर हा फ्लिप फोन या किमतीत लॉन्च झाला, तर तो सॅमसंगचा आतापर्यंतचा सर्वात स्वस्त फ्लिप फोन ठरणार आहे.
धमाकेदार फोल्डेबल स्मार्टफोन लॉन्च होणार
गॅलेक्सी अनपॅक्ड इव्हेंटमध्ये Samsung Galaxy Z Flip 7 FE सोबत Galaxy Z Flip 7 आणि Galaxy Z Fold 7 देखील लॉन्च होऊ शकतात. लॉन्च होण्याआधीच Samsung Galaxy Z Flip 7 FE चे अनेक फीचर्स समोर आले आहेत. कंपनी हा स्मार्टफोन 128GB आणि 256GB स्टोरेज ऑप्शनसह लॉन्च करू शकते. परफॉर्मन्ससाठी या स्मार्टफोनमध्ये Exynos 2500 चिपसेट असेल. कंपनी या स्मार्टफोनमध्ये देखील आपला सिग्नेचर फोल्डेबल डिझाइन कायम ठेवेल. या अपकमिंग फ्लिप फोनमध्ये कवर डिस्प्ले देखील दिली जाईल.
