Benefits of eating spinach: शरीर आजारांना बळी पडू नये म्हणून, आहारात हिरव्या पालेभाज्यांचा अधिक समावेश करणे योग्य आहे. हिरव्या भाज्यांचा विचार केला तर सर्वात आधी पालकाची आठवण येते. हिवाळा असो वा उन्हाळा, पालक हा प्रत्येक ऋतूत सहज उपलब्ध असतो आणि खाल्ला जातो.
पालकामध्ये अनेक पोषक घटक आढळतात. जे शरीराला अनेक रोगांशी लढण्यास आणि वजन कमी करण्यास मदत करतात. भारतीय घरांमध्ये पालक पालेभाजी, तिखट भाजी आणि डाळींच्या स्वरूपात खाल्ले जाते. पालक अनेक प्रकारे खाल्ले जाते, परंतु प्रश्न असा पडतो की पालक खाण्याचे फायदे नेमके काय आहेत. आज आपण त्याबाबतच जाणून घेणार आहोत…
पालकमधील पोषक घटक-
पालकामध्ये पुरेशा प्रमाणात जीवनसत्त्वे अ, क, के, फॉलिक अॅसिड, कॅल्शियम आणि लोह असते. पालकमध्ये ९१ टक्के पर्यंत पाणी असते, जे शरीराला दीर्घकाळ हायड्रेट ठेवण्यास मदत करते. १०० ग्रॅम पालक खाल्ल्याने शरीरात फक्त २३ कॅलरीज वाढतात. ज्यामुळे वजन कमी होण्यास देखील मदत होते.
लठ्ठपणाच्या समस्येपासून सुटका मिळते-
कच्च्या पालकाचे सेवन केल्याने लठ्ठपणाच्या समस्येपासून सुटका मिळते. कच्च्या पालकामध्ये खूप कमी कॅलरीज असतात. तसेच, ते सेवन केल्याने पोट बराच काळ भरलेले वाटते. बराच वेळ पोट भरलेले वाटल्याने व्यक्ती सतत खाणे टाळते, यामुळे वजन नियंत्रणात राहते.
त्वचा निरोगी आणि चमकदार बनवते-
पालक आपल्या त्वचेसाठी तसेच शरीरासाठी खूप फायदेशीर ठरतो. पालकमध्ये एक विशेष प्रकारचे पोषक तत्व आढळते. जे त्वचेचे नुकसान होण्यापासून संरक्षण करते. ते त्वचेला चमक कमी होणे, स्किन डॅमेज आणि पिंपल्सपासून देखील आराम देते.
दृष्टी वाढवण्यास उपयुक्त-
कच्च्या पालकमध्ये व्हिटॅमिन ए आढळते, ते दृष्टीसाठी खूप चांगले मानले जाते. याशिवाय पालकमध्ये अँटीऑक्सिडंट्स आढळतात. जे डोळ्यांशी संबंधित आजारांपासून मुक्त होण्यास मदत करू शकतात.
बद्धकोष्ठतेपासून आराम-
ज्यांना पचनाच्या समस्या आहेत त्यांना पालक खाण्याचा सल्ला दिला जातो. पालकामध्ये भरपूर फायबर असते. ज्यामुळे बद्धकोष्ठता, वेदना आणि पोटातील इतर समस्या दूर होतात.
अशक्तपणा कमी करते-
कच्च्या पालकाचे नियमित सेवन केल्याने अशक्तपणासारख्या आजारांचा धोका कमी होतो. पालकामध्ये पुरेशा प्रमाणात लोह असते, जे शरीराच्या पेशींना ऑक्सिजन पोहोचवण्याचे काम करते. तसेच, पालकाचे सेवन केल्याने शरीरात ऊर्जा टिकून राहते. ज्यामुळे अशक्तपणासारख्या आजारांचा धोका कमी होतो.
