Mutton Seekh Kebab Marathi Recipe: मटण सीख कबाब हा एक चविष्ट पदार्थ आहे. तो प्रत्येक मांसाहारी व्यक्तीच्या आवडत्या पदार्थांपैकी एक आहे. इतकेच नाही तर बहुतेक पार्ट्यांमध्ये मटन सीख कबाब नाश्ता म्हणून दिला जातो.
सीख कबाब चिकन आणि मटण दोन्हीपासून बनवला जातो, परंतु या रेसिपीमध्ये फक्त मटण वापरला गेला आहे. कारण लवकरच बकरी ईद साजरी होत आहे. यानिमित्ताने अनेक घरांमध्ये मटण बनवले जाते. तुम्ही यावेळी काहीतरी वेगळे बनवण्यासाठी ही रेसिपी ट्राय करू शकता.
मटण सीख कबाब बनवण्यासाठी साहित्य-
२ कप मटण खिमा
१ टेबलस्पून व्हिनेगर
२ टेबलस्पून मेथीची पाने,
१/२ टेबलस्पून लसूण पेस्ट
१/२ टेबलस्पून आले पेस्ट
१ १/२ टेबलस्पून मीठ
१/४ टेबलस्पून काळी मिरी पावडर
१/४ टेबलस्पून गरम मसाला
२ टेबलस्पून कोथिंबीर (बारीक चिरलेली)
१ टेबलस्पून हिरव्या मिरच्या (बारीक चिरलेली)
तेल
चाट मसाला
लिंबाचे तुकडे
मटण सीख कबाब बनवण्याची रेसिपी-
-एका मोठ्या भांड्यात खिमा काढा. त्यात व्हिनेगर आणि मेथीची पाने घाला.
-आले आणि लसूण पेस्ट, चवीनुसार मीठ आणि काळी मिरी पावडर घाला.
-त्यात हिरवी कोथिंबीर आणि हिरवी मिरची घाला.
-हे मिश्रण ५ तास फ्रीजमध्ये ठेवा.
-सर्व करण्यापूर्वी -२५ मिनिटे, खिम्याचे मिश्रण स्कीवरवर लावा आणि नंतर २० ते २५ मिनिटे प्रीहीट केलेल्या ओव्हनमध्ये बेक करा.
-त्यावर थोडे तेल लावा आणि आणखी २ मिनिटे शिजवा.
-मटन कबाब हलक्या हाताने स्कीवरमधून काढा आणि सर्व्हिंग डिशमध्ये ठेवा.
-चाट मसाला, कांदा आणि लिंबाच्या कापांनी सजवा आणि हिरव्या चटणीसोबत सर्व्ह करा.
